2024 оны 03 дугаар сарын дунд арав хоногийн ХААЦУ-ын тойм мэдээ

             2024 оны 03 дугаар сарын 2 дугаар арав хоногийн

цаг агаарын тойм

    2024 оны 3-р сарын 21

Агаарын температур(Air temperature): Нийт сумдын нутгаар агаарын дундаж температур -0.9  ... -15.8 градус, хамгийн их температур өдөртөө 14 градус дулаанаас -3 градус хүйтэн,  хамгийн бага температур шөнөдөө -13 … -31 градус хүйтэн байлаа. Хамгийн хүйтэн нь Отгон сумд -31 градус, Тэс сумд -29 градус, Нөмрөг, Баянтэс, Их-Уул сумдад  -28 градус хүрч хүйтэрсэн байна.

Хөрсний температур(Soil temperature): Энэ арав хоногт нийт нутгаар хөрсний дундаж температур 1 градус дулаанаас -15 градус хүйтэн, хамгийн их температур өдөртөө 0 ... 28 градус дулаан, хамгийн бага температур шөнөдөө -14 ... -35 градус хүйтэн байна. Хамгийн хүйтэн нь Отгон сумд -35 градус хүрч хүйтэрсэн.

 Хур тунадас(Precipitаtion) Энэ арав хоногт Дөрвөлжин, Завхамандал, Сантмаргаз, Ургамал сумдад тунадасгүй бусад нутгаар 0.0-2.5 мм тунадас орсон. Хамгийн их нь Отгон сумд 2.5 мм, Идэр сумд 2.3 мм тунадас орсон байна.

Салхи(Wind): Нийт нутгаар салхины хамгийн их хурд 4-17 м/с салхилсан байна. Зарим газраар өрөвхийлөлтөөр 12-17 м/с хүрч салхилсан байна. Хамгийн их нь Цэцэн-Уул, Улиастай сумдад 17 м/с, Баянхайрхан сумд 16 м/с хүрсэн байна.

Цасан бүрхүүл: Дөрвөлжин, Завхамандал, Улиастай, Алдархаан, Ургамал, Эрдэнэхайрхан сумдын нутгаар цасгүй бусад сумдын нутгаар 10-ны  хээрийн цасны хэмжилтээр тэгш тал буюу уулын бэлдээ  0-20 см зузаан цастай, цасны дундаж нягт 0.15-0.31 гр/см³, хөрийн зузаан 2-20 см байна. Ихэнх сумдын нутгаар цас хайлж, хөрлөж хатуурсан байна.

                     ТОЙМ БИЧСЭН: ХААЦУ-ын ахлах техникч              М.Өсөхбаяр