Сэрэмжлүүлэх мэдээ:   Малчид, тээвэрчид, ард иргэдийн анхааралд: 26-нд нутгийн хойд болон Хангайн уулсаар, 28-нд ихэнх нутгаар цас орж, цасан шуурга шуурч, хүйтрэх тул зам даваа хаагдах, халтиргаа гулгаа үүсэх, үзэгдэх орчин хязгаарлагдаж болзошгүйг онцгойлон анхааруулж байна.  

> Цаг уурын шинжилгээний мэдээ

2020 оны 01 дүгээр сарын цаг агаарын тойм

Шинэчлэгдсэн: 2020-02-26 12:39:00

 2020 оны 01 дүгээр сарын цаг агаарын тойм

Агаарын температур:  Энэ сард агаарын дундаж температур 24.9 градус хүйтэн буюу олон жилийн дунджаас 1.4 градусаар дулаан байсан байна. Агаарын дундаж температур Нөмрөг, Баянтэс, Тосонцэнгэл, Их-Уул болон говийн сумдаар олон жилийн дунджийн орчим, бусад нутгаар дунджаас дулаан байсан байна. Агаарын дундаж температурын хамгийн хүйтэн нь  Баянтэс, Тосонцэнгэл, Их-Уул, Тэлмэн сумдын нутгаар 30.1-31.6 градус хүйтэн байсан байна. Харин Эрдэнэхайрхан, Алдархаан, Цагаанхайрхан, Цагаанчулуут, Шилүүстэй сумдаар 15.7-20.0 градус хүйтэн байсан нь эдгээр сумдаар говийн сумдаас ч дулаан байсан байна. Бусад нутгаар дундаж температур 22.3-29.4 градус хүйтэн байсан байна. Энэ сард  агаарт говь талын нутгаас бусад нутгаар 10-21 өдөр нь  30 градусаас давж хүйтэрсэн байна.

Агаарын температурын хазайц:

Хөрсний гадаргын температур:

Хөрсний гадаргын дундаж температур говь талын нутгаар 19-23 градус, бусад нутгаар 30-34 градус хүйтэн байсан байна. Хөрсөндөө хамгийн хүйтэн нь хангайн уулархаг нутаг болон цас ихтэй нутгуудаар 40-43 градус хүйтэн, бусад нутгаар 34-39 градус хүйтэн байсан байна.

Хур тунадас:  Аймгийн хэмжээнд нийлбэр тунадас 16.9мм буюу олон жилийн дунджаас бага хур тунадас оржээ. Баянтэс, Тэс, Отгон сумдаар олон жилийн дунджаас ахиу, Эрдэнэхайрхан, Шилүүстэй, Цагаанхайрхан, Завханмандал сумдаар олон жилийн дунджийн орчим бусад нутгаар дунджаас бага хур тунадас орсон байна.

Хур тунадасны хазайц:

Салхи:

Энэ сард нийт нутгаар салхины дундаж их хурд 4-12 м/с, түр зуур 14-16 м/с байсан бөгөөд хамгийн их нь Баянхайрхан, Яруу 16 м/с, Нөмрөг, Завханмандал 15 м/с салхитай, 10 м/с-ээс их салхитай өдрийн тоо 1-6 удаа байлаа.

Цасан бүрхүүл: Нийт сумдын нутгаар 1-10 см цасан бүрхүүлтэй, цасны дундаж нягт 0.11-0.23 г/см3 байна.

Агаарын дундаж температур, хур тунадасны тархалтын зураглал

 

                              Тойм бичсэн Уур амьсгалын инженер С.Цацрал

 

 

 

 

 

 

 

 

 

 

 

Агаарын дундаж температурын тархалтын зураглал

 

      

Тойм бичсэн цаг уурын инженер С.Цацрал