> Цаг уурын шинжилгээний мэдээ

2024 оны 03 дугаар сарын цаг агаарын тойм

Шинэчлэгдсэн: 2024-04-18 11:29:27

Агаарын температур: Сарын агаарын дундаж температур -9.0 градус буюу нийт нутгаар олон жилийн дунджаас 1-4 градусаар дулаан байлаа.

Агаарын дундаж температур говь талын нутгаар -3.0...-6.9 градус, бусад нутгаар -10.8...-14.8 градус, Отгонд -15.8 градус хүйтэн байсан байна. Нийт нутгаар эхний 10 хоногт шөнөдөө нэлээд хүйтэн байсан бөгөөд нутгийн өмнөд хэсэг, говийн нутгаар нутгаар -22.0⁰С...-29.0⁰С бусад нутгаар -30.0⁰С...-36.0⁰С, Отгонд -39.0⁰С хүрч хүйтэрсэн байна. Харин өдөртөө дулаарч нутгийн өмнөд хэсэг, говийн нутгаар 12-18 градус бусад нутгаар 0-10 градус дулаан байлаа.

Агаарын температурын хазайц:

Хөрснийтемператур:
Хөрсний сарын дундаж температур -8⁰С хүйтэн байсан байна. Харин хангайн уулархаг нутгаар дундаж температур -10⁰С ...-14⁰С, нутгийн өмнөд, говь талын нутгаар -7⁰С...1⁰С байсан байна. Хөрсний хамгийн бага температур хангайн уулархаг нутгаар -33⁰С...-38⁰С, Отгонд -39⁰С хүрч хүйтэрсэн байна. Өдөртөө нийт нутгаар нэмэх градуст орж, хамгийн их температур говийн сумдаар нэмэх 28⁰С -35⁰С, Дөрвөлжинд 39⁰С хүрч дулаарсан байна.

Хур тунадас: Аймгийн хэмжээнд нийлбэр тунадас 34.9мм буюу олон жилийн дунджаас бага хур тунадас оржээ. Сум тус бүрээр харьцуулахад Тосонцэнгэл, Их-Уул, Идэр, Тэлмэн, Отгон сумдад 3.1-4.0мм буюу дунджийн орчим, бусад нутгаар 0.0-3.4мм буюу дунджаас бага хур тунадас орсон байна.

Хур тунадасны хазайц:

Нийт нутгаар салхины хамгийн их хурд 4-17 м/с салхилсан байна. Зарим газраар өрөвхийлөлтөөр 12-17 м/с хүрч салхилсан байна. Хамгийн их нь Цэцэн-Уул, Улиастай сумдад 17 м/с, Баянхайрхан сумд 16 м/с хүрсэн байна.

Цасан бүрхүүл: Дөрвөлжин, Завхамандал, Улиастай, Алдархаан, Ургамал, Эрдэнэхайрхан сумдын нутгаар цасгүй бусад сумдын нутгаар 10-ны хээрийн цасны хэмжилтээр тэгш тал буюу уулын бэлдээ 0-20 см зузаан цастай, цасны дундаж нягт 0.15-0.31 гр/см³, хөрийн зузаан 2-20 см байна. Ихэнх сумдын нутгаар цас хайлж, хөрлөж хатуурсан байна.