Урьдчилсан мэдээ > Сарын төлөв

Сарын төлөв

Шинэчлэгдсэн: 2020-02-23 00:36:33

2020 ОНЫ 2 ДУГААР САРЫН ЦАГ АГААРЫН УРЬДЧИЛСАН ТӨЛӨВ

Агаарын температур

Энэ сарын агаарын температурын дундаж нь нутгийн хойд болон Хангайн уулархаг нутгаар 23-28 градус, бусад нутгаар 17-22 градус хүйтэн буюу нутгийн хойд хэсгээр ОЖД-аас хүйтэн, бусад нутгаар ОЖД-ийн орчим байх төлөвтэй.

          Нэг болон хоёрдугаар арав хоногийн эхний хагаст Идэр, Тэс, Завхан голын эхээр шөнөдөө 35-40 градус, өдөртөө 23-28 градус хүйтэн, нутгийн өмнөд хэсгээр шөнөдөө 18-23 градус, өдөртөө 8-13 градус хүйтэн, бусад нутгаар шөнөдөө 24-29 градус, өдөртөө 15-20 градус хүйтэн байна. Мөн гуравдугаар арав хоногийн сүүлчээр ихэнх нутгаар хүйтний эрч эрс суларна. Бусад хугацаанд Идэр, Тэс, Завхан голын эхээр шөнөдөө 32-37 градус, өдөртөө 19-24 градус хүйтэн, нутгийн өмнөд хэсгээр шөнөдөө 15-20 градус, өдөртөө 5-10 градус хүйтэн, бусад нутгаар шөнөдөө 21-26 градус, өдөртөө 10-15 градус хүйтэн байна.

Хур тунадас, салхи

Энэ сард бүх нутгаар ОЖД-ийн орчим хур тунадас орох төлөвтэй.

          Нэгдүгээр арав хоногийн дунд үеэр нутгийн хойд хэсгээр бага зэргийн цас орно. Хоёрдугаар арав хоногийн эхэн, гуравдугаар арав хоногийн дунд үеэр зарим газраар цас орж, цасан шуурга шуурна.

Салхи нэгдүгээр арав хоногийн дунд үе, хоёрдугаар арав хоногийн эхэн, гуравдугаар арав хоногийн дунд үеэр нутгийн өмнөд хэсгээр 14-16м/с, говь талын нутгаар түр зуур 18-20м/с хүрч ширүүсэх төлөвтэй.

Утас: 70462103, 89332103, 92065586                                                                                                 Факс: 70462206

e_mail: tsaguur_za@yahoo.com

Мэдээ бичсэн: Мэдээлэл үйлчилгээний хэлтсийн дарга, Ахлах синоптик инженер В.Ариунзаяа