2019 оны 01 дүгээр сарын эхний арав хоногийн тойм

2019 оны 01 дүгээр сарын эхний арав хоногийн

цаг агаарын тойм

        2019 оны 01 сарын 11

Агаарын температур: Энэ арав хоногт нийт сумдын нутгаар агаарын дундаж температур 20,2-37,7 градус хүйтэн бөгөөд нийт нутгаар уур амьсгалын дунджаас хүйтэн, Эрдэнэхайрхан сумд уур амьсгалын дунджийн орчим байлаа. Агаарын хамгийн их температур өдөртөө 10-28 градус хүйтэн байсан бол хамгийн хүйтэн нь шөнөдөө 31-44 градусын хүйтэн байсан байна.

Хөрсний температурын хувьд: Энэ арав хоногт нийт сумдын нутгаар хөрсний дундаж температур 23-36 градус хүйтэн, хамгийн их температур өдөртөө 8-21 градус хүйтэн харин Завханмандал сумд 2 градусын хүйтэн,  хамгийн бага температур 34-47 градусын хүйтэн байсан.

Хур тунадас:    Энэ арав хоногт ихэнх  нутгаар бага хэмжээний цас орж 0,0-0,5мм тунадас орсон байна. Дөрвөлжин, Сантмаргац, Сонгино, Түдэвтэй, Тэс, Ургамал сумдад цас ороогүй байна.

Уур амьсгалын дундажтай харьцуулахад нийт нутгаар уур амьсгалын дунджаас бага тунадас орсон байна.

Салхи: Энэ 10 хоногт нийт нутгаар салхи шуурга багатай салхины дундаж их хурд 4-6 м/с,Цагаанчулуут сумд түр зуур өрөвхийлэлтээр 12 м/с хүрч салхилсан байна.

Хөдөө аж ахуйн үйлдвэрлэлд: Малчид бага малдаа нэмэгдэл тэжээл өгөх зарим сумдын малчид отор нүүдэл хийж байна.

Цасан бүрхүүлийн байдал:   Нийт сумдын нутгаар 1-25см цасан бүрхүүлтэй, цасны дундаж нягт 0,09-0,23г/см³ байна.