2019 оны 10 дугаар сарын дунд арав хоногийн ХААЦУ-ын тойм мэдээ

                                                2019 оны 10 дугаар сарын 2-р арав хоногийн

  цаг агаарын тойм

        2019 оны 10-р сарын 21

Агаарын температур: Нийт сумдын нутгаар агаарын дундаж температур -2.9 ... 5.4 градус дулаан бөгөөд олон жилийн дундажтай харьцуулахад Нөмрөг, Баянтэс, Цэцэн-Уул, Тосонцэнгэл, Улиастай, Их-Уул сумдын нутгаар дунджын орчим, бусад нутгаар 1.3-3.7 градусаар дулаан байлаа. Хамгийн их температур өдөртөө  10-17 градус,  хамгийн бага температур шөнөдөө -8 ... -20 градус байлаа.

Хөрсний температурын хувьд: Энэ арав хоногт нийт сумдын нутгаар хөрсний дундаж температур -2 .... 9 градус, хамгийн их температур өдөртөө 20 .... 32 градус, Хамгийн бага температур шөнөдөө -7 ... -15 градус байлаа.

Хур тунадас:  Нийт нутгаар 1-2 удаагийн оролтоор 0.0-6.6 мм тунадас орсон байна. Хамгийн их нь яруу 6.6 мм, Цэцэн-Уул 4.0 мм  тунадас орсон байлаа. Олон жилийн дундажтай харьцуулхад Дөрвөлжин, Эрдэнэхайрхан, Яруу ОЖД-аас ахиу, Цэцэн-Уул, Сантмаргаз, Сонгино, Цагаанхайрхан ОЖД-ын орчим, бусад сумдын нутгаар ОЖД-аас бага тунадас орсон байна.

Салхи: Энэ 10 хоногт нийт нутгаар салхины дундаж их хурд  8-12 м/с, зарим үед салхины хүч ширүүсч түр зуур өрөврийлэлтээр  14-16 м/с хүрч салхилсан бол 10 м/с-ээс их  салхитай өдрийн тоо 1-4 удаа байлаа.

МАА-н үйлдвэрлэлд: Нийт сумдын нутгаар хадлан тэжээл бэлтгэх, хужир шүү бэлтгэх, мал оторлох, мал хээлтүүлэх ажил явагдаж байна.

ТОЙМ БИЧСЭН: ХААЦУ-ын ахлах техникч                             М.Өсөхбаяр