2018 оны 4 дүгээр сарын 2-р арав хоногийн ХААЦУ-н тойм мэдээ

                             2018 оны 04-р сарын 2-р арав хоногийн

цаг агаарын тойм

        2018 оны 04-р сарын 21

Агаарын температур: Энэ арав хоногт нийт сумдын нутгаар агаарын дундаж температур 1.7-9.0 градус дулаан, Цэцэн-уул, Отгон, Яруу сумдын нутгаар уур амьсгалын дунджийн орчим бусад нутгаар  уур амьсгалын дунджаас дулаан байлаа. Агаарын хамгийн их температур 12-19 градус дулаан, хамгийн бага температур 6-21 градус хүйтэн, хамгийн хүйтэн нь  Идэр сумд 21 градус хүрч хүйтэрсэн байна.

Хөрсний температурын хувьд: Энэ арав хоногт нийт сумдын нутгаар хөрсний дундаж температур 3-15 градус дулаан, хамгийн их температур 18-42 градус дулаан, хамгийн бага температур 3-19 градус хүйтэн, хамгийн хүйтэн нь Шилүүстэй  сумд  19 градус хүрч хүйтэрсэн.

Хур тунадас: 12нд  нийт сумдын  нутгаар , 17,19 нд зарим газраар  хур тунадас орж, 0.1-9,3 мм тунадас орсон.  Хамгийн их нь Идэр, Цагаанхайрхан, Цагаанчулуут, Яруу, Улиастай сумдад 7,0- 9,3мм, хамгийн бага нь Сантмаргац, Ургамал, Отгон сумдад 0,1-0,7мм тунадас орсон нь  уур амьсгалын дундажтай харьцуулвал ихэнх сумдын нутгаар уур амьсгалын дунджаас ахиу, Нөмрөг, Сонгино, Ургамал сумдад дунджийн орчим, Отгон, Баянхайрхан, Сантмаргац, Шилүүстэй сумдад дунджаас бага  тунадас орсон байна.

Салхи: Энэ 10 хоногт нийт нутгаар 12-18 м/с, түр зуур 20-23 м/с шүрүүсч, шороон шуурга шуурч цаг агаар тогтворгүй байлаа.  Нийт нутгаар 10 м/с-ээс дээш салхитай өдрийн тоо 1-10  хоног байсан байна.

МАА-н үйлдвэрлэлд: Нийт сумдын нутгаар бог, бод малын төллөлт үргэлжилж, ямаа самнах ажил явагдаж байна.  Гол мөрөний цас мөс хайлж ихэнх голын ус чөлөөлөгдөж  байна.