2018 оны 2 дугаар сарын 2-р арав хоногийн ХААЦУ-н тойм мэдээ

2018 оны 02-р сарын 2-р арав хоногийн

цаг агаарын тойм

        2018 оны 02-р сарын 21

Агаарын температур: Энэ арав хоногт нийт сумдын нутгаар агаарын дундаж температур -16,2 ... -30.9 градус хүйтэн,  ихэнх сумдын нутгаар уур амьсгалын дунджаас 1,2-6,8 градусаар хүйтэн, Тосонцэнгэл, Алдархаан, Сонгино сумдын нутгаар уур амьсгалын дунджийн орчим, Отгон, Идэр, Их-уул, Тэлмэн, Шилүүстэй, Эрдэнэхайрхан сумдын нутгаар уур амьсгалын дунджаас дулаан байлаа. Агаарын хамгийн их температур -4 ... -17 градус, хамгийн бага температур -27 ... -43 градус хүйтэн байлаа. Хамгийн хүйтэн нь Баянтэс 42,  Тэс, Цэцэнуул сумдад 43  градус хүрч хүйтэрсэн.

Хөрсний температурын хувьд: Энэ арав хоногт нийт сумдын нутгаар хөрсний дундаж температур -18 ... -29 градус, хамгийн дулаан нь 0 ... -14 градус, хамгийн хүйтэн нь -32 ... -42 градус хүйтэн байсан байна.

Хур тунадас: Энэ арав хоногт 16,18-нд зарим газраар 17нд ихэнх нутгаар цас орж  0,0-4,0мм тунадас унасан нь уур амьсгалын дунджийн орчим тунадас орсон байна.  Дөрвөлжин, Отгон,  Идэр, Ургамал, Шилүүстэй сумдын нутгаар цас  ороогүй.  

Салхи: Салхины хүч нийт нутгаар 4-12 м/с салхитай байлаа. Хамгийн их нь Баянхайрхан  суманд түр зуур 12 м/с хүрч салхилсан байна . 10 м/с-ээс их салхитай өдрийн тоо 1-2 удаа байлаа.

Цасан бүрхүүл: Нийт нутгаар цасны дундаж зузаан нь 4-31 см, дундаж нягт 0.09-0.27 гр/см^3, арав хоногийн дундуур нутгийн хойд хэсгээр ахиухан хэмжээний цас орж Баянтэс, Тэс, Баянхайрхан сумдад цасны өндөр 2-4см-ээр нэмэгдсэн байна.

МАА-н үйлдвэрлэлд: Энэ арав хоногт нийт нутгаар хүйтний эрч өмнөх арав хоногоос 2-7 градусаар суларсан өдөртөө харьцангуй хүйтний эрч суларч байна.Өвс тэжээлийн хомсдолоос шалтгаалж зудтай буюу зудархуу сумдын нутгаар мал хорогдсоор байна.

       Тойм бичсэн: ЦУОТХ-ийн дарга бөгөөд ХААЦУЕТИнженер  Д.Уранчимэг